Duz gündəlik qidalanmanın ayrılmaz hissəsi olsa da, onun həddindən artıq istifadəsi ciddi sağlamlıq problemlərinə səbəb ola bilər və bu məsələ mütəxəssislər tərəfindən tez-tez gündəmə gətirilir. Bir çox insan fərqində olmadan normadan artıq duz qəbul edir.
Foodinfo.az WHO məlumatlarına istinadla xəbər verir ki, yüksək duz istehlakı ürək-damar xəstəlikləri riskini artırır.
Məlumata görə, duzun tərkibindəki natrium qan təzyiqinin yüksəlməsinə səbəb olur və bu da uzunmüddətli perspektivdə ürək və damar sisteminə mənfi təsir göstərir. Eyni zamanda böyrəklərin fəaliyyətinə əlavə yük düşür və maye balansı pozula bilər.
Bu səbəbdən mütəxəssislər gündəlik duz qəbulunun məhdudlaşdırılmasını və daha çox təbii, az emal olunmuş qidalara üstünlük verilməsini tövsiyə edirlər.
