Ölkədə kənd təsərrüfatına və fermerlərə dəstək, müxtəlif hadisələr nəticəsində təsərrüfatlara dəymiş zərəri qarşılamaq üçün Azərbaycan Prezidentinin 19 avqust 2019-cu il tarixli fərmanı ilə Aqrar Sığorta Fondu yaradılıb. AzFood bildirir ki, fond əkin sahələri, heyvandarlıq və balıqçılıq təsərrüfatlarını müxtəlif risklərdən sığortalayır. Bura təbiət hadisələri, dolu, fırtına, qasırğa, sel-subasma, şaxtavurma, vəhşi heyvanların hücumu, 3-cü şəxslərin hərəkəti və sair aiddir. Heyvandarlıq təsərrüfatları isə əlavə olaraq yoluxucu xəstəliklər, yemdən və otdan zəhərlənmə, ilan və həşərat sancması kimi risklərdən sığortalanır.
Fermerlərə dəstək məqsədilə sığorta haqqının 50%-i dövlət tərəfindən ödənilir.
Belə ki, heyvandarlıq təsərrüfatlarında əgər 1000 manatlıq mal-qara varsa illik sığortası 24 manat, 300 manatlıq xırdabuynuzlu heyvanın sığortalanması isə cəmi 7 manata başa gəlir.
