Alman turistlər AZGRANATA-da dequstasiya tədbirində iştirak edib - Azfood
 

Alman turistlər AZGRANATA-da dequstasiya tədbirində iştirak edib

AZGRANATA MMC özünün fəaliyyət sahəsində təkcə məhsul istehsalı ilə kifayətlənmir.

MMC-dən Azfood.az-a verilən məlumatda bildirilib ki, AZGRANATA həmçinin ölkəmizdə şərab mədəniyyətinin inkişafına, ölkəmizin şərabçılıq turziminin genişləndirilməsinə də xidmət edərək bu sahələrdə də nümunəvi şirkət olmağı bacarıb:

“Bir çox telekanallarda sponsorluq edərək şərab mədəniyyətinin inkişafı üçün silsilə verilişlər ərsəyə gətirib bu verilişlərdə şərabçıları, alimləri, həkimləri, incəsənət xadimlərini bir araya gətirə bilmişik. Təbii ki, bu xidmətlərimiz hal-hazırda da davam etməkdədir.
Bundan başqa, şərab turizminin inkişafı üçün ölkəmizdə fəaliyyət göstərən onlarla turizm şirkətləri ilə əməkdaşlıq edirik ki, bunun nəticəsində il ərzində minumum 1200-1500 nəfər xarici turisti müəssisəmizdə qarşılayırıq. Onlara müsəssisəmizdə yaradılan şəraiti əyani göstərərək, şərablarımızın dequstasiyasını da təşkil edirik. Azərbaycanın qədim şərabçılıq ölkələrindən olduğunu və bu gün ölkəmizdə bir çox böyük uğurlar qazanmış şərab zavodlarının olduğunu da qonaqlarımızın diqqətinə çatdırırıq.

Turizm şirkətlərindən Bakı şəhərində də dequstasiya zalı ərsəyə gətirilməsi istəkləri daxil olurdu. Onlar bildirirdi ki, bəzi turistlər onlar dequstasiyanı məhz paytaxtda etmək istəyirlər. Biz də bu müraciətləri nəzərə alaraq Bakı şəhəri, Nəriman Nərimanov rayonu, Əhməd Rəcəbli 19 a ünvanında bir dequstasiya zalı ərsəyə gətirdik.

Qeyd edilən ünvanda baş tutan növbəti dequstasiya tədbirimiz 14.09.2019 tarixində keçirildi. Günün müxtəlif saatlarına təyin edilmiş dequstasiya tədbiri 3 hissədən ibarət oldu. Hər biri 16 nəfərlik olan 3 qrup Almaniya vətəndaşları AZGRANATA istehsalı olan 8 növ şərabın dequstasiyasını etdilər”.

AzFood

Next Post

Beynəlxalq ekspert elmi-tədqiqat institutlarında olub

Ç Sen 18 , 2019