KOBİA-nın dəstəyi ilə “Kristall Plus” QSC tibbi spirt istehsalına başladı

“Kristall Plus” QSC tibbi spirt istehsalına başlayıb. Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən şirkətə bu istiqamətdə müvafiq dövlət dəstəyi göstərilib.

AzFood bildirir ki, “Kristall Plus” QSC-nin istehsalı olan tibbi spirt müxtəlif ölçülərdə qablaşdırılıb və artıq satışdadır. Müəssisə gündə 20 min litr tibbi spirt istehsal etmək gücünə malikdir. İstehsal yerli xammala əsaslanır.

Koronavirus pandemiyası ilə bağlı əhalinin tibbi spirtə artan tələbatının daha dolğun ödənilməsi üçün bir sıra yerli istehsalçılar tibbi spirt istehsalına başlamaq üçün KOBİA-ya müraciət ediblər. Agentlik özəl sektorun sosial məsuliyyəti bölüşmək təşəbbüsünü yüksək qiymətləndirir və bu istiqamətdə sahibkarlıq subyektlərinə konsaltinq və hüquqi məsləhət xidmətləri, aidiyyəti dövlət qurumları ilə əlaqələndirmə və digər istiqamətlərdə dəstək göstərir.

Qeyd edək ki, 2004-cü ildən fəaliyyət göstərən “Kristall Plus” QSC tərəfindən müxtəlif növ şərablar və spirtli içkilər istehsal edilir.

Vüsalə Aslan

Vüsalə Aslan

Next Post

Pnevmoniyanı bronxitdən ayıran simptomlar

C Mar 27 , 2020
Bronxit və sətəlcəmin bəzi simptomları oxşardır, çünki hər iki halda iltihablı proses müşahidə olunur: bronxit bronxların selikli qişalarında, sətəlcəm ilə – ağciyərlərin toxumalarında. Ancaq yenə də pnevmoniyanı təyin etməyə kömək edən və dərhal həkimə müraciət etmək lazım olduğunu bildirən əlamətlər mövcuddr. Bronxit başlanğıc mərhələdə quru, qıcıqlandırıcı bir öskürəklə müşayiət olunan […]