Səudiyyə Yəmənə qida və dərman aparan 13 gəminin saxlanılmasını davam etdirir

BMT qurumlarının lisenziyaları və icazələrinə baxmayaraq, Səudiyyə Ərəbistanı Yəmənin əl-Hudeyda limanına dava-dərman və qida məhsulları aparan 13 gəminin saxlanılmasını davam etdirir.

SalamNews əl-Məsira telekanalına istinadla xəbər verir ki, bu barədə əl-Hudeyda dəniz limanı idarəsi məlumat yayıb.

Bildirilib ki, 44 gündür saxlanılmış 14 gəmidən yalnız biri sərbəst buraxılıb.

Gəmilərdə Yəmənin mühasirədə qalmış bir çox bölgələri üçün dava-dərman peraparatları, neft və neft məhsulları, yanacaq və müxtəlif ərzaq məhsulları mövcuddur. Məlumata görə BMT bu gəmilərin əl-Hudeyda limanına getməsinə icazə verib.

Qeyd edək ki, ötən il Stokholm şəhərində Yəmən münaqişəsi tərəfləri arasında əldə edilmiş anlaşmada strateji əl-Hudeyda şəhərinin mühasirəsinin aradan qaldırılması, ərzaq, dərman və yanacağın Yəməndə mühasirədə qalmış əyalətlərə çatdırılması yer alıb.

Səudiyyə Ərəbistanın başçılıq etdiyi hərbi koalisiya 2015-ci ilin martından Yəməndə legitimliyi dəstəkləmək adı ilə bu ölkədə hərbi müdaxiləyə başlayıb.

AzFood

Next Post

Azərbaycanın bank və kredit təşkilatları kənd təsərrüfatı maliyyə bazarları sahəsində Türkiyə təcrübəsini öyrənir

C Dek 13 , 2019
Kənd Təsərrüfatı Nazirliyi Azərbaycanın bir sıra bank və kredit təşkilatlarının nümayəndələrinin Türkiyəyə təcrübə səfərini təşkil edib. AzFood xəbər verir ki, səfər Aqrar Kredit və İnkişaf Agentliyinin icra etdiyi “Azərbaycan Kənd Təsərrüfatı Maliyyə Aləti” (AzAFF) layihəsi çərçivəsində baş tutub. Məqsəd AKİA-nın müvəkkil kredit təşkilatlarının və Azərbaycanın digər önəmli kredit təşkilatlarının  mütəxəssislərinə […]