Sabah qar yağacaq, güclü külək əsəcək

Sabah qar yağacaq, güclü külək əsəcək
Azərbaycanda fevralın 17-də gözlənilən hava şəraiti açıqlanıb.

Milli Hidrometeorologiya Xidmətindən AzFood-a verilən məlumata görə, sabah Bakıda və Abşeron yarımadasında gün ərzində arabir yağış yağacağı, gecəyə doğru yağışın sulu qara, qara keçəcəyi gözlənilir.

Güclü şimal-qərb küləyi əsəcək. Havanın temperaturu Bakıda və Abşeron yarımadasında gecə və gündüz 1-3 dərəcə isti olacaq. Atmosfer təzyiqi 760 mm civə sütunundan 756 mm civə sütununa enəcək, nisbi rütubət 80-90 faiz təşkil edəcək.

Azərbaycanın rayonlarında hava şəraitinin arabir yağıntılı olacağı, bəzi yerlərdə sulu qar, qar yağacağı, əsasən dağlıq və dağətəyi rayonlarda intensiv və güclü olacağı gözlənilir. Ayrı-ayrı yerlərdə duman olacaq, güclü qərb küləyi əsəcək.

Havanın temperaturu gecə 2-5, gündüz 6-9 dərəcə isti, dağlarda gecə 3-8, gündüz 0-3 dərəcə şaxta olacaq.

Tibbi-meteoroloji proqnoza gəlincə, fevralın 17-18-də Abşeron yarımadasında güclü küləkli və yağıntılı hava şəraiti fonunda temperaturun aşağı enəcəyi gözlənilir ki, bu da meteohəssas insanlar üçün əlverişsizdir.

Nərminə Əli

Next Post

Üzü nəmləndirən maska

Ça Fev 16 , 2021
Qış aylarında dəri daha çox quruyur. Bu mövsümdə üzə qulluq etmək daha vacibdir. AzFood dərini nəmləndirəcək maska reseptini təqdim edir. Bir çay qaşığı püre halına salınmış avokado, 1 çay qaşığı qaymaq və E vitaminini qarışdıraraq krem halına salın. Məhlulu 20 dəqiqə üzünüzdə saxlayıb, gül suyu ilə üzünüzü təmizləyin.
Üzü nəmləndirən maska