2023-cü ilə kimi bu yağlardan imtina etməlisiz – ÜST siyahısında Azərbaycan da var - Azfood
 

2023-cü ilə kimi bu yağlardan imtina etməlisiz – ÜST siyahısında Azərbaycan da var

Ümumdünya Səhiyyə Təşkilatı 2023-cü ilə kimi qida sənayesi şirkətlərinin istehsalatda transyağlardan tamamilə imtina etməsinə nail olmağa çalışır.
Azfood.az Medicina.az-a istinadla xəbər verir ki, bu barədə Tedros Adan bildirib.
“Dünya pandemiya ilə mübarizə apardığı bir vaxtda, biz bundan sonra da bütün gücümüzü insanların sağlamlığının qorunmasına yönəltməliyik. Bu qeyri infeksion xəstəlik və təhlükələrə də aiddir. Qida sənayesində trans yağların istifadəsi hər il yarım milyon insanın qəfil ölümünə səbəb olur. Bu yağlar ürək-damar xəstəliklərinin inkişafında əsas səbəblərdən biridir.
ÜST 58 ölkənin öz ərazisində qida istehsalatında trans yağların istifadəsinə qadağa qoyması barədə qərarını dəstəkləyir. Bu, 3,2 milyard insanın orqanizminin qorunması deməkdir. Digər 100 ölkəyə də bu məsələni həll etməyi tövsiyə edirik. Bu ölkələr arasında əhalisinin zərərli yağdan qorunması üçün təcili tədbir görməli olan Azərbaycan, Banqladeş, Misir, Hindistan, Meksika, Koreya, Pakistan və s. var”.
Təəssüf ki, transyağlardan yaşayış səviyyəsi yüksək olan dövlətlər imtina edir. Hələ ki, aşağı gəliri olan və yoxsulluq səviyyəsi yüksək dövlətlərdən heç biri bu addımı atmayıb.

Səma Fərzəli

Next Post

Gürcüstan şərabının Azərbaycana ixracı 35% artıb

Ça Sen 22 , 2020
Azfood.az fins.az-a istinadla xəbər verir ki, bu ilin yanvar-avqust ayları ərzində Gürcüstan Azərbaycana 389,1 min dollar dəyərində 95,4 ton üzüm şərabı ixrac edib. Bildirilib ki, hesabat dövründə Azərbaycana ixrac edilən məhsulun həcmi illik müqayisədə 22,3 ton və ya 30,5% artıb, dəyəri isə 129,8 min dollar və ya 25% azalıb. Belə […]