Hansı hallarda, kimlərə sarıkök olmaz - Azfood
 

Hansı hallarda, kimlərə sarıkök olmaz

Sarıkök son zamanlar bir çox problemin təbii dərmanı kimi təqdim olunur. Bir çox insan müxtəlif xəstəlikləri üçün sarıkökü qaşıqla yeyir, suda həll edib içir. Amma halbuki bir çox hallarda bu ədviyyat ciddi problem yarada bilər.

Sarıkökə bir dərman kimi yanaşsaq, onun da əks təsirləri var. Xüsusən nizamsız,çox dozalarda qəbul dərmandan da zəhərli ola bilər.

AzFood.az bu qadağan siyahısını təqdim edir:

1. Sarıkök qanı durulaşdırır, qanda laxtaların əmələ gəlməsinə qarşıdır. Ona görə aspirin, qandurulaşdırıcı qəbul edənlər və qanında laxtalanma problemi olanlara təhlükəli təsir edə bilər. Daxili qanaxma belə baş verə bilər. Varfarin, klopidoqrel və aspirin qəbul edənlərə olmaz.

2. Sarıkökün təsirli maddəsi olan kurkumin mədə şirəsi və turşuluğunu artırır. Xüsusən mədə turşuluğu, qastritə qarşı dərman qəbul edənlərə zərərlidir. Bu adamlar sarıkök də qəbul etsələr, baş gicəllənmə, köp, mədə və qarında ağrı, qida borusunda aşınma yarada billər. Omeprazol, lansoprazol, deksilant, pantoprazol dərmanları qəbul edənlərə sarıkök olmaz.

3. Sarıkök qanda şəkəri çox sala bilər. Əgər diabet xəstəsi insulin və dərman qəbul edirsə, sarıkök bu dərmanların effektini 2 dəfə artıra bilər. Bu da xəstənin vəziyyətini pisləşdirir: əzələ əsməsi, narahatlıq, görmədə pozuntu,səntirləmə ola bilər.

4. Sarıkök ciddi allergik məhsuldur. Allergiyası və astması olanlarda dəridə səpki, boğulma və anaflaksiya yarada da bilər. Ona görə çox ehtiyatla sınamaqla qəbul etmək lazımdır.

AzFood

Next Post

Yeni buğda sortlarının yaradılması istiqamətində elmi tədqiqat işləri aparılır

Ça Apr 28 , 2020
Aqrar Elm və İnnovasiya Mərkəzinin Əkinçilik Elmi-Tədqiqat İnstitutu ilə “Agro Dairy” şirkəti arasında onlayn qaydada əməkdaşlıq görüşü keçirilib. AzFood.az xəbər verir ki, Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən bildirilib ki, institutun direktoru Faiq Xudayev, direktor müavinləri Atif Zamanov, Şikar Əhmədov, Nizami Hümmətov və “Agro Dairy” şirkətinin kommersiya […]