İnsanı sağlam saxlayan 10 FAYDALI MƏHSUL

İnsanı sağlam saxlayan 10 FAYDALI MƏHSUL

Avropa Diyetoloqlar və Qastroenteroloqlar Assosiasiyasının ekspertləri insan sağlamlığı üçün ən faydalı olan 10 məhsulun adını açıqlayıb.
AzFood  həmin siyahını təqdim edir:
Balıq
Balığın istehlakı pis xolesterinin səviyyəsini aşağı salır, damarları qoruyur, beyinin qocalmasını ləngidir.
Yulaf yarması
Vitamin, mineral və zülallarla zəngin olan yulaf yarması bağırsaqlar üçün ən faydalı məhsullardan biri sayılır. Yulaf yarması bağırsaqların fəaliyyətini və mikroflorasını yaxşılaşdırır. Bu isə öz növbəsində immun sistemini möhkəmləndirir.
Pomidor
Pomidor likopin, qidalı liflər və kaliumun sayəsində arterial təzyiqi salır, ürək-damar sistemi xəstəliklərinin riskini azaldır və həmçinin orqanizmə xərçəng əleyhinə təsir edir.
Brokkoli
Bəzi alimlər brokkolini ən faydalı tərəvəz kimi qiymətləndirirlər. Sulforafan maddəsi sayəsində brokkoli mədə xorası, mədə və prostat vəzi xərçənginin riskini azaldır, zədələnmiş toxumaların bərpasını sürətləndirir.
Kivi
Kivi polifenol maddələri ilə zəngindir. Bu maddələr hüceyrələri sərbəst radikalların dağıdıcı təsirində qoruyur. Polifenollar mədə və 12 barmaq bağırsağı xorasının inkişafının qarşısını alır, orqanizmə güclü iltihabəleyhinə təsir edir, ateroskleroz və damarlarda trombların əmələ gəlməsinin qarşısını alır.
Üzüm
Üzümün tərkibində insan orqanizmi üçün faydalı olan 150 (!) maddə və birləşmə var. Üzüm ürək-damar sistemi xəstəliklərinin riskini azaldır, damarlarda trombların əmələ gəlməsinin və xolesterinin yığılmasının qarşısını alır.
Avokado
Avokado ürək və damarları qoruyur, qanda şəkərin səviyyəsini tənzimləyir, şəkərli diabet xəstəliyinin riskini azaldır.
Yumurta
Yumurtanın müntəzəm istehlakı diabet və insultdan qoruyur, qocalmanı ləngidir.
Sarımsaq
Sarımsaq damarları xolesterindən təmizləyir, güclü xərçəng əleyhinə təsirə malikdir.
Zeytun yağı
Zeytun yağı orqanizmdə xolesterinin səviyyəsini aşağı salır, təzyiqi normallaşdırmağa kömək edir.

Nərminə Novruzova

Next Post

Əncirin faydaları

C Okt 23 , 2020
Əncir (lat. Fícus cárica) və ya əncir ağacı dünyanın bir çox yerində rast gəlinən Tut ailəsinə (Moraceae) aid olan subtropik yarpaqlı bitkidir. Azərbaycanda əncirin əsasən 2 növü yayılıb. Onlardan biri mədəni əncir adlanır. Respublikanın bir sıra rayonlarında becərilən bu növ əncirin ətirli, şirin, yastı armudabənzər, sarı rəngli meyvələri olur. Digəri isə Lənkəran zonasında […]
Əncirin faydaları