Tramp yenə koronavirus testi verəcək

ABŞ prezidenti Donald Tramp bildirib ki, cümə günü koronavirus analizi vermək niyyətindədir.

“Report”un məlumatına görə, bu barədə o, “Fox News”a müsahibəsində bildirib.

Ağ Ev rəhbəri qeyd edib ki, bununla özünün əvvəlki kimi yoluxucu olub-olmadığını müəyyənləşdirmək istəyir.

“Test olacaq, ehtimal ki, sabah. Hər zaman test vermək üçün bir səbəb yoxdur”, – ABŞ prezidenti müsahibəsində deyib.

Daha əvvəl Trampın həkimi Şon Konli bildirib ki, Ağ Ev rəhbəri şənbə günü ictimai tədbirləri yenidən davam etdirə bilər, çünki bu, onun koronavirusa yoluxduğu 10-cu gün olacaq.

Qeyd edək ki, Tramp xəstəxanada üç gün keçirib və tibb müəssisəsindən bazar ertəsi çıxıb. ABŞ prezidentinin üç gün ərzində koronavirus infeksiyasından müalicəsi 100 min ABŞ dollarından çox başa gəlib.

AzFood

Next Post

İlk dəfə sirkəli çipsin dadına baxan uşağın maraqlı reaksiyası - VİDEO

C Okt 9 , 2020
Sosial şəbəkələrdə duzlu və sirkəli çips yeyən uşaq barədə video böyük maraqla qarşılanıb. “Daily Mail”in verdiyi məlumata görə, görüntülər Nyu-Yorkdandır. Videoda qeyri-adi qəlyanaltının dadına baxan qızın üz-gözünü turşutması əks olunub. Bununla belə, qız təslim olmayaraq, əlindəkini yerə qoymur.