Azərbaycan nümayəndəsi BMT-nin Komitəsinə üzv seçilib

Birləşmiş Millətlər Təşkilatının (BMT) İqtisadi və Sosial Şurasının (ECOSOC) sentyabrın 14-də keçirilmiş iclası zamanı BMT-nin İqtisadi, Sosial və Mədəni Hüquqlar Komitəsinin 2021-2024-cü illər üzrə üzvlüyünə seçkilər keçirilib.

AzFood BMT-nin İnsan Hüquqları üzrə Ali Komissarlığının rəsmi saytına istinadən xəbər verir ki, seçkilərin nəticələrinə əsasən, Azərbaycan Respublikasının Kiçik və Orta Biznesin İnkişafı Agentliyinin (KOBİA) sədrinin müşaviri Nadir Adilov Komitənin üzvü seçilib.

Qeyd edək ki, 1985-ci ildə təsis edilmiş sözügedən Komitə İqtisadi, Sosial və Mədəni hüquqlar haqqında Beynəlxalq Paktın müddəalarının həmin Pakta tərəf dövlətlər tərəfindən icrasının monitorinqini aparır.

18 üzvdən ibarət olan Komitəyə ilk dəfədir ki, Azərbaycan nümayəndəsi üzv olaraq seçilir.

Qeyd edək ki, Nadir Adilov Nadir Adilman psevdonimi ilə Azərbaycan və bir çox ölkələrdə nəşr edilən kitabların müəllifidir. Onun biznes inkişafı üzrə yazdığı kitablar bestseller kitablar sırasında yer alır.

AzFood

Next Post

Sağlam olmaq istəyənlər bu məhsuldan imtina etsin

Ç Sen 16 , 2020
Şəkər ən ziyanlı məhsullardan biri sayılır. Bir çox araşdırmalar göstərib ki, şəkərdən imtina insanın sağlamlığına müsbət təsir edir. Yaxınlarda Amerika alimləri bu mövzuda 700 nəfər insan iştiraki ilə yeni araşdırma aparıblar. Araşdırmada iştirak edənlər 9 gün ərzində şəkər qəbul etmirdi. Daha sonra onlar müayinə olunub. Məlum olub ki, hətta belə […]