Məktəblərdə koronavirusdan necə qorunmalı? – Müəllimlər üçün xüsusi tövsiyələr

Yeni dərs ilində 6 aydan çoxdur bağlı qalan və onlayn təhsilə alışmış pedoqoji kollektiv məktəblərə, əvvəlki iş reijminə qismən də olsa qayıdacaq.
Nəzərə alsaq ki, koronavirusun gizli daşıyıcıları uşaqlardır o zaman müəllimlərin evdə olduqları kimi özlərini ciddi qoruması çətin olacaq.
Uşaqlar koronavirusu evdən, küçədən məktəbə daşıya bilər və əlbəttə ki, təhlükəsizlik tədbirlərinə əməl etmədikdə sinif yoldaşları və müəllimlərinə ötürə bilər. Uşaqlar koronavirusu yüngül, simptomsuz keçirir. Ona görə də məktəblərdə xüsusən orta yaşlı pedaqoqlar özlərinin müdafiəsi barədə daha çox düşünməlidirlər.
AzFood.az dünya üzrə mütəxəssislərin müəllimlərin özlərini məktəbdə, sinif otaqlarında koronavirus yoluxmaqdan qoruması üçün verdiyi tövsiyələri bir araya toplayıb.
1. Sinifdə dərs zamanı adi 40 qəpiklik tibbi maska yox, xüsusi filtrli N95 KN93 tipli maskalardan istifadə etməlisiz
2. Eləcə də üzünüzü şəffaf ekranla bağlamalısız. Bu ekranlar hər 3 saatdan bir dezinfeksiya olunmalıdır
3. Uşaqlarla istənilən təmasda ara məsafəsinin 2 metr olmasını təmin edin
4. Əllərinizi jurnal, uşaqların kitabı, dəftərinə əlcəklə toxundurun
5. Sinifdə yanınızda təmiz butul suyu olmalıdır və siz hər 1 saatdan bir su ilə boğazınızı yaxalamalı və su içməlisiz
6. Uşaqların başı üzərində çox dayanmamalı, əllərinizi onların üzünə, burnuna, başına toxundurmamalısız
7. Masanızı hər 45 dəqiqədən bir dezinfeksiya etməlisiz
8. Adi maska hər 2 saatdan bir, N95 isə 10 saatdan bir dəyişməlidir
9. Hər dəsrdən sonra əllərinizi isti su və sabunla yumalısız
10. Hər 2 saatdan bir təmiz havaya çıxmalı və maskasız tənəffüs almalısız
11. Sinif otaqlarının hər dərsdən sonra pəncərələri açılıb otaqlar havalandırılmalıdır
12. Müəllimlər, sinif rəhbərləri uşaqların hər 1 saatdan bir əllərinin sabunla yuyulmasını təmin etməlidir
13. Səhhətində azca da olsa nasazlıq hiss edən müəllim direktora şifahi məlumat verib, heç kimlə ünsiyyətdə olmadan məktəbi tərk etməli və dərsə gəlməməlidir
14. Müəllimlər evə getdikdən sonra telefon, ayaqqabı, çanta dezinfeksiya olunmalı, geyimlər yuyulmalıdır
Ümumiyyətlə pedoqoji kollektivin hər bir üzvünün hər 21 gündən bir koronavirus testi verməsi məqsədəuyğundur.
 
 

Nərmin

Next Post

“Səyyar Aqro Məktəb” layihəsi başa çatıb

Ça Sen 15 , 2020
“Aqrar İnkişaf Könüllüləri” Təşkilatının təşkilatçılığı, Azərbaycan Gənclər Fondunun maliyyə dəstəyi ilə həyata keçirilən “Səyyar Aqro Məktəb” layihəsi başa çatıb. Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AzFood-a bildiriblər ki, aqrar sahədə ilk dəfə reallaşdırılan “Səyyar Aqro Məktəb” layihəsi çərçivəsində karantin rejiminin qaydalarına uyğun olaraq onlayn formatda, “Zoom” mobil […]