Vaxtı keçmiş çay niyə təhlükəlidir?

Çay uzun müddət saxlanıldıqda bunun bir sıra fəsadları üzə çıxır.

Azfood.az saglamolun.az-a istinadən xəbər verir ki bu barədə rusiyalı aqronom və kənd təsərrüfatı mütəxəssisi Vladimir Vikulov “Sputnik” radiosuna bildirib.

O, ilk öncə qeyd edib ki, hər bir məhsulun istifadə müddəti var: “Bəzi qidalar illərlə qalır, digərləri bir neçə gün sonra xarab ola bilər. Çayda isə hər şey onun növündən asılıdır. Puer çay (sarımtıl, yaşıl rəngdə olan növ) zamanla özünün dadını artırır, adi boş yarpaqlı çay isə əksinə, faydalı xüsusiyyətlərini itirir.

Çay özü olduqca həssas bir məhsuldur. Qoxulara, rütubətə və ətrafdakı müxtəlif maddələrin varlığına çox həssasdır.

Evdə çay saxlayarkən qabın qapağının sıxlığını təmin etmək məsləhətdir. Qab keramika, şüşə olmalıdır. Çay qısa müddətdə, bir neçə həftə ərzində karton qabda saxlanıla bilər. Əgər mümkünsə çayı havasız qabda saxlamaq lazımdır, bu onun ömrünü artıracaq”.

Mütəxəssis çayın yararlıq müddətinin bitməsindən sonra onun tərkibində baş verən dəyişiklikləri də izah edib.

“Oksidləşdirmə prosesi gedir, vitaminlər parçalanır, efir yağları, ətir buxarlanır. Çayın  keyfiyyətli aşağı düşür. Saxlama müddətindən sonra hansısa çay içkisi qalır, amma onun faydası çox az olur”, – Vladimir Vikulov qeyd edib.

 

Səma Fərzəli

Next Post

Yeməyi bu yağla qızartmayın

C Avq 7 , 2020
Yeməklərin qızardılması üçün kərə yağını istifadə etməmək məsləhət görülür. AzFood.az “Sputnik”ə istinadən xəbər verir ki, tövsiyəni həkim-dietoloq İrina Berejnaya verib. Ekspert quru tava və ya qrildən istifadə etməyi də tövsiyə edir. “Təzə kərə yağı məqbul miqdarda təhlükəsizdir. Həmçinin xolesterinin maddələr mübadiləsinə mənfi təsir göstərmədiyi də məlum olub”, – dietoloq vurğulayıb. […]