Yemək bişirəndə BİTKİ və KƏRƏ yağlarını qarışdırmayın! Bu xəstəlikləri yaradır

Tanınmış Rusiyalı kardioloq, ailə həkimi və bloqer Yelena Anşina kərə və bitki yağlarının qarışdırması haqqında məlumat paylaşıb.

Həkim xəbərdarlıq edir ki, qidalanmada bitki (günəbaxan, qarşıdalı, zeytun) və kərə yağını qarışdırmaq qəti şəkildə olmaz.

AzFood.az Saglamolun.az-a istinadla bildirir ki, həkimin sözlərinə görə, bu halda piylərin orqanizm tərəfindən mənimsənilməsi kəskin artır. Bu isə qanda xolesterinin səviyyəsini qaldırır, aterosklerozun inkişafını sürətləndirir.

Ateroskleroz zamanı damarlarda xolesterin yığılır ki, bunun nəticəsində damarlar daralır, zəifləyir, kövrək olur. Bütün bu patoloji proseslər damarların partlaması və tam bağlanması riskini qat-qat artırır. Ateroskleroz bütün dünyada ürək xəstəlikləri, infarkt və insultun əsas səbəbidir.

Həmçinin bitki və kərə yağlarının birlikdə istehlakı artıq çəki və piylənməyə səbəb olur.

Doktor Anşina yemək hazırlanması zamanı yağları qarışdırmamağı tövsiyə edir. Misal üçün, kartof və ya kotlet qızardanda bir çox qadınlar bunu bitki və kərə yağlarının qarışığında edir. Bu yolverilməzdir.

Həmçinin kardioloq qeyd edir ki, ayrı ayrılıqda kərə və bitki yağında hazırlanmış qidaları eyni qida qəbulu zamanı yemək olmaz. Məsələn, kərə yağında hazırlanmış sous və bitki yağı əlavə olunmuş salat eyni qida qəbulunda yeyilməməlidir.

Vüsalə Aslan

Next Post

Bu 8 əlamətə DİQQƏT: Xərçəngi erkən mərhələdə aşkar etmək olar

Bz Avq 2 , 2020
Dünyada getdikcə daha çox yayılmaqda olan onkoloji xəstəlikləri erkən mərhələdə müəyyən etmək mümkündür. Mütəxəssislər bununla bağlı vaxtaşırı profilaktik müayinələrin aparılmasını, xüsusilə risk qrupuna daxil olanların, eləcə də ailə üzvlərində xərçəng aşkarlanmış şəxslərin daha diqqətli olmalarını tövsiyə edirlər. AzFood.az xəbər verir ki, Rusiyadan olan tibb elmləri doktoru, professor, əməkdar elm xadimi […]