Azərbaycanda daha 10 subartezian quyusu qazılacaq

Prezident İlham Əliyev Balakən rayonunda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.

AzFood.az xəbər verir ki, sərəncama əsasən, Balakən rayonunun əhalisi 49945 nəfər olan 10 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 10 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün göstərilmiş vəsaitin 700 min manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Maliyyə Nazirliyi müvafiq məbləğdə maliyyələşməni təmin etməlidir.

Vüsalə Aslan

Next Post

Gün ərzində nə qədər qarpız yemək olar?

Şb Avq 1 , 2020
Dadlı və faydalı qarpız yay mövsümünün vazkeçilməzidir. Lakin hətta əsasən sudan ibarət olan qarpızı da müəyyən miqdardan çox yemək olmaz. AzFood.az Saglamolun.az-a istinadla bildirir ki, Rusiya Elmlər Akademiyasının mütəxəssislərinin fikrinə görə, böyüklər gün ərzində 500 qr qədər qarpız yeyə bilərlər. Bu miqdar sağlam insanlar üçün nəzərdə tutulub. Məsələn, şəkər xəstələri […]